不甜潮州芋砵~澄海小館

潮州人都是芋頭癡，處理芋頭有一手，竟可將「實淨」芋頭，滴幾滴豬油，一番功夫後推出鬆滑的芋泥。大菜芋泥香酥鴨或佛砵飄香（圖），豬油盡情地發揮出甘香作用，水溝油的化學作用下，芋蓉變得其鬆無窮，而甜品芋泥福果，雖然甜得要死，但滑溜非常齒甲留香。

以為日光之下無新鮮，潮州人做的甜品一定甜得叫人死去活來，某日香港仔的「地膽」介紹下，在不起眼的潮州小館，遇上其貌不揚，但吃上口又鬆又有芋香的特色芋砵，無加大量砂糖，芋頭個性味道就顯得更為鮮明，「地膽」說今日運氣不佳，否則有幸吃上芋泥福果，定更愛不釋口，秋後檳榔芋粉香當造時，必再次過大海試真o的！

芋香小貼士：

芋泥要做得鬆化軟滑，考師傅處理豬油與及芋頭手勢，豬油太多一炸即散，不夠油就欠鬆化，還要加適量澄麵定形，無十年八載經驗，難做出似樣芋泥。

Q:芋頭幾時食最好？

A:降雨量少的秋天芋頭尤為香甜，無論磨蓉作芋泥煎魚腸，或切件炆鵝風味俱佳，是可塑性極高廉價食材。

消費：nil
推介度：＊＊＊＊ 1／2（以5＊為滿分）
推介菜：芋蓉
建議人數：4～6人


澄海小館
地址：鴨脷洲悅海街
電話：N／A